DIA NACIONAL DA LINGUA DE SIGNOS

O próximo 14 de xuño celébrase o Día Nacional das Linguas de Signos Españolas.

O lema deste ano é ...

"LIBRES PARA ELIXIR, LIBRES PARA SIGNAR"

No centro conmemorarémolo cantando cancións en LSE no tempo de lectura co alumnado de 1º, 2º e 4º de Educación Primaria.

Neste enlace podes aprender a signar a palabra: LIBRE

SEMANA INTERNACIONAL DA LINGUA DE SIGNOS

"ASINEMOS POLOS DEREITOS HUMANOS" é o lema que a Federación Munidal de persoas xordas escolleu para conmemorar o 23 de setembro deste ano o Día Interncional da Lingua de Signos, co que quere conseguir que as persoas xordas e as persoas oíntes de todo o mundo loiten para promover o dereito a usar linguas de signos.

Escolleuse o 23 de setembro por ser a data na que se creou a Federación Mundial dos persoas Xordas en 1951, organización non gubernamental que hoxe é un órgano consultivo das Nacións Unidas e máxima autoridade mundial para a defensa dos dereitos e intereses das persoas con disfunción auditiva.

Esta data forma parte da última semana do mes de setembro na que se festexa a Semana Internacional da Persoa Xorda.

Así, o próximo sábado 25 celebrase o Día internacional das persoas xordas en Lugo co lema "Inclusión real para o alumnado xordo".

A nosa mestra de LSE, Isabel, explícao neste vídeo.

COA LINGUA DE SIGNOS, TODAS AS PERSOAS ESTAMOS INCLUÍDAS!!

RECURSOS:

- LSE NA AULA : contidos educativos en lingua de signos por niveis.

- Pautas e recursos didácticos para o profesorado de educación infantil e primaria con alumando xordo _ FAPXG.