LUNS 20_ BICOS

Comezamos a semana!

Hoxe seguiremos coidando a parte emocional e imos facelo falando de bicos.

E que mellor que empezar cun conto de Raquel Díaz Reguera no que nara a historia dun bico que se escapou pola ventá e fixo que todo o vecindario se transformase durante un día, mellorando a súa realidade. Con el ensalza o poder dos bicos e do cariño, ferramentas das que podemos botar man para calmar e fortalecer os ánimos nestes días e sempre.

Así podemos controlar os momentos de enfado ou de ira.
Como xa comentamos noutas entradas, convén ensinar a recoñecer, entender e xestionar as emocións, identificándoas e poñéndolles nome, saber o que as provocou e se unha emoción negativa é útil ou inútil, para poder xestionala tratando de regular o sentimento que nos provoca.

Unha estratexia para relativizar os problemas é meter o problema ou o enfado mentalmente nun globo mentres se infla. Despois podedes xogar con el cos pés, coas mans, coa cabeza... mentres facemos exercicio imos esquecéndoo e finalmente estoupámolo para que o problemas ou o enfado se evaporen.
                                   

PERO... PARA QUE SERVEN OS BICOS
Podes debuxar nun folio un bico e preguntarlles e preguntarnos que bicos recibimos ou damos, para que serven cada un deles,  gústanme eses bicos, que queren dicir ...podemos debuxar ou escribir as palabras que se nos ocorran e facer unha fermosa colaxe.
Aquí tedes un modelo se precisades.

Convén:

• Non presionar para que un neno ou unha nena dea un bico ou un abrazo.
• Preguntarlle se quere dalo e respectar a súa liberdade emocional.
• Explicar o que significan os bicos e as apertas.
• Amosar diferentes formas de saudar.
• E coma sempre, educar co exemplo.

E ... DE QUE COR SON OS BICOS?
Propoñémosvos que escoitedes estes contos e pensedes en que cor teñen os bicos para vós.

Para E. Infantil.

Para E. Primaria

Se alguén lle deu moita cor aos bicos foi  Andy Warhol Animámosvos a reproducir o ser cadro.
Se necesitades podedes utilizar o modelo facilitado antes.

A CAIXA DOS BICOS

Unha actividade que podedes facer relacionado cos bicos e o afecto, é debuxar un bico nun papel e na parte de atrás un agasallo para unha persoa, o que queiramos.

Con eles podemos:

- Metelos todos nunha caixa e cando estamos tristes ou baixos de ánimo, ir a ela e coller un regalo. De seguro que nos alegramos.

- Ter varios botes ou caixas, un para cada persoa da que nos acordemos. Cando nos lembremos delas faremos un debuxo dun bico /agasallo, que podemos entregarlle cando a vexamos.

BICOS FAMOSOS

E se falamos de bicos na arte, non podemos esquecer "O bico" de Klimt. Animámosvos a reproducilo e a enviarnos os resultados.

Premede na imaxe para ver o resultado desta proposta vía borraghanchos.blogspot.

Facendo clic na imaxe tedes ideas de como facer o manto.

BICOS E NON BALAS
Desde o confinamento, Antonio García Teijeiro séguenos deixando versos, neste caso do seu libro Bicos e non balas.

BICOS DE DEDOS
Esta actividade axudaranos a relaxarnos cando o precisemos.

UN BICO POLO AIRE

Mentres non pidamos dalos en persoa, podemos enviar un bico polo aire a familiares ou amizades cantando en Lingua de Signos .

BICOS DE MÚSICA

Con esta canción de Mamá Cabra podemos:

• Aprendela e cantar.
• Movernos aprendendo a coreografía.
• Utilizala para afastar medos que poidamos ter antes de deitarnos ou tranquilizarnos para ter un sono reparador.

Que máis se lle pode pedir a unha canción!!

E para os máis pequenos/as con esta canción de Cé orquestra pantasma descubrimos o ricos que son os bicos.

SEMENTANDO BICOS

Sementade bicos e afecto, porque as persoas aprendemos observando aos demais, ao contorno.