LUNS 16 _ QUE PODEMOS FACER HOXE?

Imos intentar axudar desde o blog a pasar estes días na casa con propostas de actividades para ocupar o tempo cos nosos fillos e fillas.

O primeiro, se aínda non temos organizado, é ter un horario... convén facelo de forma conxunta, así todos/as estaremos de acordo e saberemos o plan de acción.

O segundo, o tempo de tarefas escolares virá pautado polas propostas feitas polo profesorado. É importante fixar ese tempo para non perder o ritmo, o hábito de traballo e continuar coa formación.

O resto do tempo, interesa que o organicemos seguindo os intereses dos/as rapaces e rapazas e as pautas que consideremos básicas. É importante que sigamos coas mesmas normas que teñamos habitualmente e coas rutinas habituais, dentro do posible, tendo en conta as circunstancias especiais.

PROPOSTAS 

FALAR

• Xogo do vexo-vexo.
• Simón di.
• Trabalinguas. Máis trabalinguas
• Adiviñas.
• Memoriza un poema e recitalo.
• Scrabble
• Máis xogos para estimular a linguaxe oral

ESCRIBIR

• Escribimos palabras: máis longas, máis raras ...
• Facer a lista de cousas que precisamos, lista da compra ...
• Comezo o meu libro de chistes, de receitas...
• Empezo o meu diario. 

ORDE

• Comecemos polo propio cuarto.
• Organizo a biblioteca e os xogos. Serán un bo recurso estes días.

COCIÑA

• Sobremesa para hoxe, a escoller: macedonia, torta de chocolate, xeado de cacao, torta de amorodos.

MANUALIDADES

• Debuxar, pintar...
• Facemos unha colaxe con fotografías de revistas.
• Decoramos unha camiseta vella.
• Carreiras de avións. 30 modelos de avións nesta web.

XOGOS

• Con lapis e papel
• Xogos de mesa: tres en raia. Podemos facelo con material reciclado.
• Inventa un xogo de mesa.
• Labirintos.
• 101 xogos divertidos para facer na casa.
• Online

MOVÉMONOS

• Carreira de chapas ou de canicas polo corredor.
• Percorrido de obstáculos.
• Escondite inglés.

AH... e non nos olvidemos de LER: ademais da biblioteca particular... audiocontos e selección de contos gratuítos. 

Se ningunha destas ideas vos convencen, desde Estación Bambalina propoñen 70 ideas fáciles para xogar con nenos e nenas dentro de casa.

Recursos obtidos das páxinas: BaM! e das recollidas na entrada.